Executive日記——貿發局幫創業一族搵支援 男神劉鳴煒:創業有心唔怕遲!

        正所謂「識人好過識字」;想創業,有人脈係好緊要㗎,貿發局就深明呢個道理!貿發局由昨日開始一連兩日喺灣仔會展舉行創業日,為年輕人提供好多相關嘅資料,甚至幫埋你配對合作夥伴!昨日搵埋青年事務委員會主席劉鳴煒演講,教大家「窺探未來」事業嘅方法!

        貿發局總裁方舜文話,近年愈來愈多年輕人加入創業行列,對支援服務嘅需求亦都愈來愈大,所以連續第九年舉辦一年一度嘅創業日,希望可以幫到年輕一族創業喎。今年仲破紀錄有超過二百七十間參展機構,認真巴閉啊!

  昨天開幕禮,大會請咗青年事務委員會主席劉鳴煒,同年輕朋友分享創業經驗,鼓勵後生仔女:「只要想創業,就不怕太遲。」又話創業其實無分年齡,「創業不僅是年輕人的夢想,據外國的一些調查顯示,創業者的平均年齡大概是四十歲,所以只要想創業,就不怕太遲。」

  小妹在場都開咗好多眼界,睇嚟都可以儲定錢,準備創業啦!錯過咗嘅朋友唔緊要,Kelly知道今早十點至下午六點,仲會有其他唔同行業嘅創業達人過嚟分享經驗,一樣咁精采!

Kelly Chu

hd