Executive日記——最少21層 一家大細都玩得 ICC垂直跑等你挑戰

  跑步有益身心,跑樓梯更加係大挑戰!「新地公益垂直跑」又返嚟啦!今年香港站會繼續成為垂直馬拉松世界巡迴賽嘅終極賽站,到時嚟自世界各地嘅垂直跑精英,會雲集喺全港最高建築物環球貿易廣場(ICC),展開一場龍爭虎鬥,爭奪世界冠軍殊榮,Kelly覺得好刺激啊!

  今年新地公益垂直跑嘅「勇闖香港ICC」賽事會喺全港最高建築物ICC舉行,ICC樓高一百一十八層,真係少啲耐力都唔得,不過大家都可以選擇參加賽事中嘅「滿Fun體驗」,按能力選擇跑八十二層或者二十一層,十歲以上就可以參加,咁一家大小都可以盡情體驗垂直馬拉松嘅樂趣啦!上年一個參加者鄺家豪雖然患上小腦萎縮症,但都好熱愛運動,日前出嚟分享他跑咗二十一層嘅感受。

  「勇闖香港ICC」會喺十二月三號舉行,賽事收益會捐畀香港公益金同香港社會服務聯會,用嚟發展本地基層兒童同青少年服務。比賽O依家已經接受報名㗎啦,大會仲會舉辦垂直跑訓練班,為有興趣嘅參加者提供全面嘅訓練,全力備戰啊!

Kelly Chu




hd