Executive日記——「頭條12周年大激賞」千萬勁獎!

  《頭條日報》創刊十二周年,送出勁多驚喜着數,頭炮同讀者玩街頭「開心尋尋」及「開心尋尋派報員」有獎遊戲已圓滿結束,緊接其後嘅「頭條12周年大激賞」將於下周一展開,勁獎總值逾一千萬元,快啲下載「頭條Jetso」App,掃描每日《頭條》活動QR code,瘋狂中獎啦!

  報慶活動陸續有來!「頭條12周年大激賞」將於下周一開始,勁獎總值超過一千萬元,送足六個星期,過百萬份即中獎包括大量超筍獨家優惠,空前震撼!仲有重量級禮品大抽獎,首階段即勁送總值逾十五萬元嘅OTO按摩產品、維他飲品優惠超過十一萬份!快啲下載「頭條Jetso」App,並緊貼《頭條日報》,做好攞獎準備啦!

   同讀者玩咗一個禮拜嘅「開心尋尋」遊戲已經到咗最後一日喇,最後一位幸運兒,就係於昨日早上被拍下嘅呢位穿黑衫女士喇!如果你係相中人,請於明日致電27982600,說出你攞報紙嘅地點及提供個人資料,就可以領取五百蚊獎金喇。

  日前中獎嘅第三位幸運兒、做文職嘅區小姐同Kelly講,佢每日搭港鐵行經九龍灣德福天橋都會攞《頭條》,已經攞咗《頭條》好多年,仲會好全面咁睇晒時事、經濟、政治同外電等多個版面,大讚《頭條》報道夠貼地,夠中肯!

    今年新增「頭條Jetso」App「開心尋尋派報員」有獎遊戲亦已圓滿結束,讀者反應好踴躍呀!Kelly收到風,昨日刊登嘅派報員,就係喺中環德輔道中中環中心派報紙,唔知睇緊報紙嘅你又估唔估得中呢?

Kelly Chu


hd