Executive日記—— 《原來天使在身邊》 名人合撰勵志新書

  一年一度的書展,喺本周三開始喇,Kelly向大家推薦新書《原來天使在身邊》,由五十位名人同專業人士合撰,包括港鐵主席馬時亨、「神奇小子」曹星如、房委會資助房屋小組主席黃遠輝等。籌備呢本書嘅資深傳媒人曾智華就話,透過分享人生嘅挫折,希望讀者明白到即使成功人士,人生都唔會一帆風順,鼓勵讀者搵到令自己站起來的「天使」!

  黃遠輝分享,喺八十年代同朋友去蒙古旅行,遇到一班外國記者,對方以為佢哋係當地人,於是用流利普通話同佢哋傾談,黃遠輝當時普通話唔靈光,只好以英語交流,令佢相當慚愧,返港後佢開始學普通話,直至二千年工作關係再去內地,終於可以同內地人溝通。黃遠輝勉勵大家唔好放棄任何一個學習嘅機會,因為你永遠唔會知幾時用得着。

Kelly Chu


hd