Executive日記——介紹團隊 網民笑到有腹肌 男神劉鳴煒「換臉」兼換髮型!

        個Package超好嘅男神劉鳴煒,喺社交平台上載咗幾張相,介紹佢個辦公室年輕團隊啊!他仲好潮咁大玩「換臉」遊戲,問大家鍾意佢邊一個髮型襯喎,十分惹笑,唔少人話佢換咗個髮型,其中一款好似鄭伊健噃!

        劉鳴煒昨日喺facebook話,佢個辦公室終於請齊人喇,O依家總共有十三個全職員工同埋實習生,呢個工作團隊全部都係年輕人,仲好有團隊精神喎﹗有人問佢其實啲員工要做啲咩㗎,佢就話都有啲難解釋,不過會通過做研究、倡議等,去推進香港青年嘅利益,總之目標係為咗香港嘅年輕人啦。佢又話,雖然團隊入面有幾位都係着藍色衫,不過佢哋就從來唔會覺得「Blue」(憂鬱、沮喪)!

  劉鳴煒仲好搞鬼,大玩改圖變身,用「換臉」程式將同事嘅樣,都換晒做自己個樣,仲問大家如果佢轉咗邊一個髮型,邊個最啱佢喎,男神好Funny啊!結果最多人揀「讚好」同「哈哈笑」,亦都有人話心心嗰個樣好似鄭伊健啊!唔少人都話睇到呢個帖子時爆笑,「笑到有腹肌」、「笑咗幾條皺紋出嚟」,男神果然好知年輕人心意啊﹗不過他說最多人揀讚好,所以他都係保持O依家個髮型啦。

Kelly Chu

hd