Executive日記——林兆波聯同猛料教授 月底現身「講數」

  特首林鄭月娥上任後,佢丈夫林兆波成為香港首位「第一先生」,一舉一動備受傳媒關注。Kelly最近收到風,本身係數學博士嘅林兆波,將會喺今個月二十七號下午現身公開大學,主持「創新科技與持續發展研究所」(IRITS)同國際數學奧林匹克香港委員會(IMOHKC)合辦嘅數學講座!

  呢個講座嘅主題係「數學是科學或是藝術?」喺公開大學賽馬會校園嘅長得福演講廳舉行。今次特別邀請到數學界猛人、俄裔美籍教授伊凡史文諾夫演講,佢曾經喺九四年奪得有「數學界諾貝爾獎」之稱嘅「菲爾茲獎」,現時喺美國加州大學聖地牙哥分校任教。

  可以同兩位知名嘅數學教授交流,相信參與講座嘅朋友一定獲益不淺。有興趣嘅朋友記得上公開大學網頁登記啦!

Kelly Chu

hd