Executive日記——香港小太空人完成探索

  香港也有太空人﹗八個美國萬通小太空人喺七月遠赴美國展開「太空探索之旅」,今個月初返港,美國萬通喺周一為佢哋搞咗個慶祝典禮,個個意氣高昂,Kelly見到好開心啊﹗

  八個香港小朋友,參加咗為期九日嘅「太空探索之旅」,去美國亨茨維爾太空訓練營,接受模擬太空人訓練,例如坐「多軸椅」感受喺太空無重同反覆迴旋嘅情況、製作同發射模型火箭、學習多種喺月球上步行嘅方法。佢哋又去佛羅里達州參觀甘迺迪太空中心,參觀土星五號火箭、穿梭機「阿特蘭蒂斯號」展覽館,同埋體驗模擬乘坐穿梭機進入地球軌道等。各位太空人仲有機會同兩位資深太空人見面,親身了解佢哋喺太空生活嘅有趣點滴,行程勁精采﹗

  美國萬通喺周一為凱旋歸來嘅小太空人舉行慶祝典禮,一班太空人話呢個計劃唔單止增進咗佢哋嘅太空知識,仲令佢哋體會到,只要堅守「It is Possible! 」嘅信念,凡事都有可能。

Kelly Chu

hd