Executive日記——社區遊樂團 發掘最香港遊趣

  去旅行除咗行景點,其實發掘吓社區之中一啲獨特面貌同風土人情,可能體會更深!領展最近就推出咗一個「社區遊樂團」,帶訪港旅客同本港居民一齊深入社區探索,為旅客帶嚟「最香港」嘅體驗啊!

  「領展社區遊樂團」會由今個月開始出發,喺十一月前會舉辦超過二十個主題遊樂團,圍繞四條路線,分別係赤柱、九龍、大埔同元朗,同旅客介紹最「貼地」嘅風土人情,包括各區文化、歷史、美食、建築等。另外佢哋又製作咗本精美地圖,方便遊客輕鬆自助遊。領展仲特別同香港導盲犬協會設計咗一條「關愛社區遊」路線畀視障人士,強調全方位嘅多感官體驗,等佢哋可以用全新嘅角度去感受香港啊!

  社區遊樂團前日舉行啟動禮,領展執行董事兼行政總裁王國龍話,呢個計劃會發掘鮮為人知嘅社區故事,佢哋希望可以鼓勵社區之間嘅互動,同埋促進社會共融啊!

Kelly Chu


hd