Executive日記——拒被睇小 「抗壓能力超乎你想像」 「跳高女神」自信再創佳績

        「跳高女神」楊文蔚早前喺全運會失手,以一米八四嘅成績排第五名。賽後她心情好Down,仲有唔少人批評佢拍廣告疏於練習,因此影響表現。楊文蔚就嚟個大反擊,話「我抗壓能力可能超乎你想像」,叫大家唔好睇小佢,終有一日會用成績證明畀大家睇咁話!Kelly係文蔚粉絲,一定支持佢㗎。

        楊文蔚喺一個星期內連戰台北世界大學生運動會同天津全國運動會,兩個比賽都喺決賽跳出一米八四,同獎牌無緣。佢賽後好唔開心,仲喺社交平台大吐苦水,話好多人覺得佢成名後壓力太大,今次都係俾群眾壓力影響到表現,但佢反擊話「我唔係你想像中咁弱」、「我抗壓能力可能超乎你想像」,叫大家唔好睇小她。

  楊文蔚話知道跳高條路唔易行,但她相信自己實力唔止去到呢個水平,叫大家睇吓佢及格賽過一米七六嘅片,就會知佢好Fit,又話每次都可以跳出貼近個人最佳成績(PB),表現咁平穩,其實好唔容易。佢仲好有信心咁講,「總有一日我會用成績證明我既高度」﹗唔少網民都叫楊文蔚唔使太介意人哋講咩,又同佢打氣,Kelly都相信佢可以做得到,會繼續支持佢㗎!

Kelly Chu

hd