Executive日記——慶阿里巴巴18周年 馬雲變身MJ 跳經典舞好熟手

  為咗慶祝阿里巴巴集團成立十八周年,Kelly見到馬雲特登以一身「Micheal Jackson」造型登場,仲大跳「MJ」經典舞步,有型又有創意! 

  喺阿里巴巴十八周年年會上,一個戴住金色面具、腳踩哈里電單車嘅威猛男子神秘登場,佢一身金黑色裝束,配搭一對白色手套,小妹一睇就知佢係扮緊「MJ」啦!佢擺咗幾個有型Pose,之後除低個面具,原來係阿里巴巴主席馬雲!佢同現場觀眾大派飛吻,仲帶領一班高層大跳「MJ」經典舞步,炒熱現場氣氛啊!

  馬雲過往喺年會上,試過以「白雪公主」、「Lady Gaga」等造型現身表演,次次啲打扮都令人出奇不意,成為全場焦點㗎!今年佢仲喺會上呼籲員工要保持夢想,佢覺得如果人無咗理想、一間公司無咗理想,就只係一部賺錢嘅機器嚟㗎咋!佢話,世界需要每一個人都好清楚知道自己有啲乜、要啲乜同想做啲乜,小妹覺得聽落好有道理噃!

Kelly Chu

hd