Executive日記——法證專家多管齊下蒐證 港版「神探伽利略」助破奇案

        睇新聞知道,警方屢破奇案,幕後功臣係一批「神探伽利略」。Kelly係講緊政府化驗所轄下嘅一批法證專家,佢哋嘅工作非常專業,而且多元化,由DNA檢驗到生化、物理、毒理等技術,多管齊下,幫探員從犯罪現場中搵蛛絲馬跡,找出有力證據,搵出真兇,直頭好似日劇《神探伽利略》咁犀利啊!

        利用化驗幫警方搵犯罪證據嘅港版「伽利略」,就係政府化驗所屬下嘅法證事務部六十八名專家,佢哋從事生化、毒理、化學、文件鑑辨等十二個組別,利用尖端科技搜證,好似生化組負責DNA檢驗,有效咁辨認出死者嘅身份。至於毒理組就檢測案件有無牽涉毒藥或藥物危害,眨吓眼就可以將疑犯嘅血液、尿液、頭髮等生物檢材化身成證物,好犀利!

  講起科學鑑證,不得不提曾經轟動一時、靠纖維接觸同兇手脗合而定罪嘅「紙盒藏屍案」喇!原來呢個工作就係由化學組負責,透過檢驗衣物纖維、玻璃、泥土等微量物料接觸,確定案件同疑犯嘅關係,對破案與否非常重要!唔單止,除咗實驗室檢驗之外,Kelly知道佢哋提供二十四小時罪案現場勘察查探服務,分秒必爭,誓把犯法者抽出來,小妹佩服、佩服!

Kelly Chu

hd