Executive日記——馬會再嚟「21日挑戰」 城城講天王之路好勵志

  Kelly最愛挑戰自己,見到香港賽馬會嘅「21日挑戰」活動推出咗第二期,繼上次跟李慧詩、曹星如、莫雷拉呢幾位世界級運動員學健身之後,第二期活動主題係藝術,今次可以跟排舞師黃國榮、「麥兜媽媽」麥家碧、作曲家高世章偷師﹗

  大家由即日起至十二月三十一日喺網上登記參加,可以喺「21日挑戰」幾項挑戰之中選一項,第二期新增嘅項目,包括同一眾巨星嘅御用排舞師黃國榮(Sunny Wong)跳返part舞、同曾以電影配樂榮獲多項大獎嘅作曲家高世章探索音樂、同有份創作《麥嘜麥兜》系列漫畫嘅「麥兜媽媽」麥家碧體驗創作。

  大家只要連續二十一日上返去個網頁完成簡單任務就算完成挑戰,頭一萬個成功登記兼完成挑戰嘅朋友仔,馬會代每人捐出三百六十五元畀聯合國兒童基金香港委員會,支持佢哋嘅慈善工作,好有意義﹗馬會為咗呢個計劃,亦特登搵嚟天王巨星郭富城拍攝影片,段片講佢點樣跨越挑戰、不斷蛻變,成為天王,好勵志啊!

Kelly Chu

hd