Executive日記——倫敦pop up冰室 推廣香港飲食文化

  以前嘅冰室或者o依家嘅茶餐廳,係香港獨特嘅飲食文化,Kelly鍾意去幫襯,旅客訪港亦一定去體驗吓。旅發局上周喺英國倫敦宣傳香港嘅時候,就好有心思,準備咗一間pop up冰室,以茶餐廳美食捕獲一眾嘉賓個心,相信好多人會心思思來港一遊,重溫好滋味。

  Kelly八卦到,旅發局應貿發局邀請一齊遠赴倫敦,舉行「邁向亞洲首選香港」推廣活動,以美食同本土文化推廣香港!仲喺座談會場地外整咗間港式冰室,有奶茶又有蛋撻、點心,睇見都想食!難怪令個個嘉賓食得好開心,紛紛打卡留念!除此之外,旅發局仲帶同三十位香港青少年管弦樂團成員,即場演奏多首香港經典金曲,好似《獅子山下》、《半斤八両》同《最緊要好玩》等,在場五百位嘉賓掌聲雷動,要樂團「安歌」,好威水啊!

Kelly Chu




hd