Executive日記——粉絲唔捨得 靚女主播加入政府

  繼陳嘉倩離巢轉攻銀行界之後,又多一位無線女主播離開新聞界!佢叫李惠(Joyce),去咗行政長官辦公室擔任特別助理,仲記得當年立法會議員陳克勤新上任做特助時講過,第一日返工要先去學影印,唔知Joyce有乜差事呢?

  李惠好多粉絲對佢離開熒幕,感到可惜,有人大讚佢個樣夠可愛,把聲好聽,名副其實人靚聲甜。仲有網民覺得佢有幾分似女藝人姚子羚。Joyce早幾日就喺自己嘅社交網站facebook專頁換咗頭像,有啲心水清嘅朋友就留言祝福佢一路順風、工作順利,其中民建聯區議員李子榮就寫話「加油,任重道遠」,睇嚟唔少朋友都對Joyce有好高嘅期望。

Kelly Chu


hd