Executive日記——重返擂台激戰獲勝 Rex靚女師妹 二胡高手變拳壇新星

        前晚灣仔會展拳賽,「神奇小子」曹星如(Rex)二十二連勝,成為全城焦點,其實香港美少女林海明(Sandy)經四個回合激戰,打低印尼選手尼迪雅拿賀,睇到Kelly好感動。唔講唔知,佢係二胡高手,仲係大學生,真係人靚兼文武雙全。

Sandy今年二十四歲,係全港唯一女子職業西洋拳手,好叻女。Kelly仲知道,Sandy係「半途出家」,打出一片天,佢細個學習二胡,練到九級咁高,中學時已兼職教二胡,係個音樂才女!直至十六歲,Sandy開始學拳,打過好多業餘賽,好快就獲得Rex嘅經理人賞識,成為Rex嘅小師妹,而佢無為打拳而放棄讀書,係嶺南大學社會科學系嘅學生。

  不過,Sandy媽媽去年離世,對佢打擊唔細,佢今次重返拳擊場,取得勝利,別具意義。Sandy昨日就喺社交平台留言,提到 Rex師兄忍痛堅持應戰嘅堅忍精神,好值得佢學習咁話,並慶幸好多觀眾叫加油,賜佢力量喎。

Kelly Chu

hd