Executive日記——50公里名人單車賽熱鬧 輕鬆賞美景黃金寶郭基煇鬥一番

        香港單車節昨日圓滿舉行,新地執行董事郭基煇、前香港單車代表黃金寶及黃蘊瑤都完成五十公里賽事。至於另一個焦點活動「總裁慈善及名人單車遊」邀得二十二位星級參加者,場面好熱鬧呀!

        黃金寶同黃蘊瑤大讚今年安排,參加者喺尖沙咀起步,穿過長青隧道後,登上難度最高嘅青馬大橋,欣賞美景,可以放鬆心情,後段比賽嘅表現都會好啲。黃蘊瑤覺得呢種先苦後甜嘅踩法,令更多參加者掌握青馬嘅路況和氣氛。

  本身係單車發燒友嘅新地執行董事郭基煇特意準備新車應戰,話心情興奮,有市民打氣最開心,佢作為一個業餘車手,同其他專業車手一齊完成比賽,係一大樂趣。

  至於「總裁慈善及名人單車遊」項目,二十二位城中名人沿尖沙咀東梳士巴利道、麼地道及麼地里繞圈比賽;一田百貨行政總裁黃思麗、旅發局總幹事劉鎮漢、「九巴金公主」伍穎梅等人一身專業單車裝備齊齊亮相,場面盛大。比賽最終由凱諦思亞洲有限公司行政總裁Matt Bennion奪金,真係威水。

Kelly Chu


hd