Executive日記——收藏價值高 中銀紀念鈔 認購要趁早

        中銀香港慶祝扎根香港一百年,隆重其事,推出面值一百蚊嘅「百年華誕紀念鈔票」,仲破紀錄發行五百萬張,好快又到呢個月十八日嘅截止日期!Kelly向來有興趣收藏特別嘅鈔票,見百年紀念鈔設計精美,忍唔住拉埋成家人一齊認購。

中銀香港百年紀念鈔,分別有單鈔、三連張同三十連張紀念鈔,價錢由二八八至一萬三千八百八十八蚊不等,背面有以一九一九年中銀香港分號升格為分行嘅開業報章廣告剪影、八三年成立中銀集團喺香港其中十二家成員行嘅標識等,全部都係寶貴歷史嚟㗎!

  Kelly諗番第一日開始認購嗰時,唔少人喺各區分行排隊,取表認購,就知大家幾鍾意喇!小妹聽錢幣收藏家講,內地紀念鈔愛好者同炒家一向對中銀香港鈔票有情意結,日後可能會加入收藏行列,增加百年鈔的投資保值能力。Kelly知道,今次紀念鈔收入扣除成本之後,中銀香港會全數捐去作本地公益慈善用途,咁有意義,大家快啲行動,去中銀各分行或者網上交表喇!

Kelly Chu


hd