Executive日記——屯門紅樓不拆 留住歷史氛圍

  辛亥革命作戰基地屯門青山紅樓不時都會傳出清拆風波,不過Kelly昨日八卦到,政府已經接觸到業主嘅聯絡人,並得到回覆,話業主已同意唔會清拆紅樓,真係好消息!

  屯門青山紅樓係一級歷史建築,喺今年三月初被古物諮詢委員會列為暫定古蹟,最近有保育團體表達關注,擔心如果喺明年五月限期屆滿前,未能夠處理保育問題,業主就會清拆呢座歷史建築。

  不過,昨日小妹聽到嚟自政府嘅知情人士話,佢哋同業主聯絡人有書信往來,近日接到佢嘅回覆,話業主已同意,唔會清拆紅樓,佢哋有信心今次業主唔會反口!而紅樓將會以「保育寓發展」嘅方式去處理項目。

Kelly Chu

hd