Executive日記——《施政》號外 《頭條》火速送上

  特首林鄭月娥昨日發表任內第一份《施政報告》,好多朋友同Kelly一樣,關心林太嘅管治新風格,有乜新思維,具體政策又係點。《頭條日報》作為全港最大報紙,每逢大新聞,必定組織整個團隊,第一時間為廣大讀者提供詳盡資訊,昨午即時編製《施政報告號外》,喺昨午兩、三點已經喺鬧市中派發,滿足讀者嘅需求。

  《頭條日報》總動員,昨日喺林太就《施政報告》發言期間,快手製作,《號外》一共有八大頁,其中五大版新聞,向讀者介紹林太首份《施政報告》嘅重點政策,最後兩頁仲載有施政撮要嘅全文!

  小妹覺得《號外》派發嘅時間十分適合,昨日特首十一點幾發言完畢,十二點上載咗《施政報告》全文,《號外》喺下午兩、三點已經有得喺全港旺區派發,為市民帶嚟最快最新最準確嘅資訊,認真火速!小妹見到人人都拎一份嚟睇,了解新鮮熱辣嘅新政策,仲同身邊人分享!

  每天發行量逾八十萬份嘅《頭條日報》,係全港讀者人數最多嘅報紙,佢哋無論喺《施政報告》、《財政預算案》,以至重大突發事故,都會第一時間印製《號外》,今次又第一時間服務讀者,Kelly都要感謝編採、印刷同發行人員做到最好。

Kelly Chu

hd