Executive日記——六大美食區煮出健康人生 圓方3hreeSixty大革新

        Kelly注重飲食健康,最近見九龍站圓方嘅3hreeSixty經全方位革新,變成全新嘅「3hreesixty」,提供更廣闊嘅購物空間,添加九百幾款有機或健康產品,仲有蔬菜切割、鮮肉醃製等服務!真係細心,買餸煮飯都好輕鬆。

3hreesixty以全新形象示人,店舖設計用咗簡單鮮明嘅白色主調,各種繽紛美食一目了然!小妹見到,裝潢同陳設係以圓形同圓角嘅環迴式佈局,刻畫出品牌3hreesixty(360°)嘅特色。購物空間更廣闊,可以容納更多各國優質食材。

  店舖設六大美食專區,健康美食包羅萬有,其中喺優質家禽及肉類專區,有來自各國嘅優質有機無添加肉類同急凍食品;海產專區就有多款取得海洋管理委員會(MSC)認證嘅可持續發展海產;喺360°酒品專區有超過一千九百款酒供選擇;蔬菜專區提供香港較為罕見嘅新鮮蔬菜;歐陸美食專櫃會就有健康至營食材。場內仲增設更全面嘅美食廣場,提供一站式堂食餐飲選擇。

  3hreesixty了解主婦好繁忙,推出蔬菜切割、鮮肉醃製、海鮮去皮去骨處理三種貼心服務。另外,仲會舉行期間限定嘅水耕田園工作坊同埋DIY美食工作坊,購物都學到新知識,so good。

Kelly Chu


hd