Executive日記——太古「白色聖誕市集」 DIY薑餅人曲奇

  聖誕節好快就到,太古地產今年繼續舉辦「白色聖誕市集」,喺本月同下月呈獻節日驚喜,等大家盡情陶醉於購物、參加DIY工作坊、品嚐節慶佳餚飲品同欣賞精采現場表演!

  市集會喺灣仔星街小區同埋太古坊糖廠街舉行,兩個市集中都會有一個二十呎高嘅薑餅人汽球,一定成為全場焦點同打卡好去處!大家又可以參加DIY創意工作坊,烤焗薑餅人曲奇,或製作別出心裁嘅聖誕家居裝飾。

  星街小區市集有二十個攤位,畀大家盡情購買聖誕禮物。而喺糖廠街市集中有全港首個真人比例嘅薑餅人足球機,大家可以組隊參加比賽,同時為慈善籌款。嗰度又有糖霜飄雪機,仿製糖霜會喺頭頂飄下,Kelly都想體驗變成薑餅人咁可愛!

Kelly Chu

hd