Executive日記——惜食堂「粒粒皆辛館」 感受美食變廚餘

  全港每日棄置廚餘達三千三百公噸,為咗令更多人關注食物浪費嘅問題,惜食堂成立融合惜食同關愛信息嘅實體展館「粒粒皆辛館」昨日開幕,市民可透過虛擬實境,親身感受由美食變成廚餘,被丟棄到垃圾桶嘅感覺,了解珍惜食物嘅重要!

  「粒粒皆辛館」設六大展區,包括二百七十度全銀幕影片展區、惜食冷知識區、香港實況區、食物拯救區等。其中虛擬實況影片區,參觀者戴上VR眼鏡後,可化身成各種食物,例如當有人食壽司,食剩舊飯團時,就可以體驗一下飯團成為廚餘後嘅悲涼一生。

  展館會開放畀全港學校、企業機構同個人參加,透過互動遊戲、影片同實戰去了解香港嘅食物浪費同長者貧窮問題。滙豐銀行有份贊助展館興建,滙豐香港區行政總裁施穎茵話,希望透過展館推動建立惜食減廢嘅文化,幫助社會上有需要嘅人。

Kelly Chu

hd