Executive日記——煤氣烹飪中心搞法式烘焙 米芝蓮星級主廚教整餅

  唔少女士都同Kelly一樣鍾意食甜品,小妹留意到最近有個全新法國糕餅烹飪藝術文憑課程,大家唔使遠赴法國,都可以學到點樣炮製法式傳統經典甜品。

  「法國廚師會」雲集全球頂級名廚,佢哋同煤氣烹飪中心合作,舉辦法國烹飪藝術文憑課程。今年佢哋仲特別推出全新嘅「法國糕餅烹飪藝術文憑課程」,培訓專業法廚。課程由法國廚師會糕餅導師Matthieu Godard任教,佢曾經喺香港置地文華東方酒店Amber米芝蓮二星級餐廳擔任糕餅主廚O架!

  課程會教授大師級麵團製作同餡料製作技巧、烘焙技術、擺盤藝術等,學員有四百八十小時學習炮製各種法式傳統經典甜品,例如拿破崙法式千層酥、馬卡龍等,讀完之後學員將具備足夠能力開設法式甜品店,甚至為酒店供應甜點。小妹見到著名演員梁祖堯都係學員之一啊!

Kelly Chu

hd