Executive日記——唐唐到場祝賀 汪阿姐入行50年

  人稱「汪阿姐」嘅八和會館主席汪明荃(Liza),之前因為嚟自美國嘅方美昂(Alison Friedman)出任西九文化區表演藝術總監,領導包括戲曲等多個範疇,而搞到㷫烚烚,話擔心對方對本地戲曲認識不足。今年啱啱好係阿姐入行五十周年,TVB昨晚就特別喺半島酒店舉辦《汪明荃五十周年世紀盛宴》幫佢慶祝。出席者粒粒皆星,仲包括新任西九管理局董事局主席唐英年(Henry)O添!

  難得兩位咁重視文化嘅人聚首一堂,唔知又會唔會再傾吓呢件事呢?Henry就笑笑口同Kelly講,話之前已經同阿姐傾過,大家有一個最大嘅共同目標,就係做好西九喇。其實Henry上任後無幾耐,已經回應過話請方美昂係跟足程序,但就會另外請一位熟悉戲曲人士出任副藝術總監,阿姐應該放心啦!

Kelly Chu

hd