Executive日記——西環店都有份 一田購物優惠 過萬筍貨列陣

        唔經唔覺,聖誕鐘快敲響啦,又係時候花心思送禮物畀摯愛嘅親友,Kelly見到半年一度嘅「一田購物優惠日」會喺本月二十三至二十七號載譽重來!場內有過萬件筍貨,超過四百五十款獨家優惠,部份貨品更以兩折起發售!

        今年首次九間一田分店一齊推「一田購物優惠日」,沙田店會全店開放,而西環店首次加入,方便港島區居民,另外又加開咗沙田、將軍澳同旺角三大特別展場。

  優惠日強勢推六大勁減貨種,包括「獨家Character潮物」、「高性能名牌運動服」、「超市冠軍級麵食潮飲」、「四百蚊有找獨家美肌套裝」等。其中主打係獨家人氣卡通動漫新品,例如有美少女家居服,大家可以約齊朋友變身做美少女戰士!

  一田仲加強網購平台,喺上周四起搶先開賣三百款超級筍貨。一田百貨行政總裁黃思麗話,eShop銷情極理想,單係頭四日營業額較去年同期升近三成。

Kelly Chu


hd