Executive日記——競賽盡顯團隊精神 江基建同樂日 男子「天鵝湖」開心勝出

        長江基建集團旗下有逾二十間外地公司,過千名代表上周日齊集香港參與同樂日,Kelly見到佢哋透過競賽項目增進團隊精神,好團結好開心!

        長江基建業務足跡遍全球,業務包括能源、交通、水處理、廢物管理、轉廢為能等,人才濟濟,員工總數達二萬四千人,當中一千二百人同佢哋嘅家人喺上周日雲集烏溪沙,參加「長建環球一家同樂日2017」。長建主席李澤鉅喺開幕儀式上話,不同國籍同事聚首一堂,好似聯合國大會咁,活動體現長江基建團結合一、追求卓越嘅核心價值。

  員工同家屬會參與舞蹈比賽、拔河比賽同唔同競技遊戲,其中喺舞蹈比賽中Northern Gas Networks以娛樂性豐富的「天鵝湖」勝出,Kelly睇到相原來係男人跳,真搞笑!

Kelly Chu

hd