Executive日記——去海洋公園戴VR頭盔 坐過山車上山又下海

  聖誕將至,海洋公園將推出節日慶典,重頭戲係全港首個「虛擬實境過山車」,只要戴番個頭盔,就可以體驗穿梭喺熱帶雨林、下潛深海等奇妙感受,帶畀你視覺、體感雙重刺激!

  海洋公園聖誕全城HO HO HO喺下月十一號開幕,Kelly最期待虛擬實境過山車,大家到時戴上虛擬實境頭盔裝置,登上越礦飛車,就可以感受穿梭喺熱帶雨林、沿亞馬遜激流漂游,同埋下潛深海嘅感覺,仲可以一睹亞馬遜雨林嘅各種稀奇動植物,而身體就會隨住過山車起伏而感受到高速快感同離心力。虛擬實境細緻迫真,鍾意追尋刺激嘅人實在不容錯過!

  另外,海洋公園同設計商品購物網站Pinkoi.com合作,舉辦聖誕市集,場內會有公園最具標誌性、高達四十呎嘅聖誕樹,又有聖誕老人屋、冬日浪漫花園同人造飄雪!

Kelly Chu

hd