Executive日記——新歡曾禁錮前度留案底 《東周刊》揭嘉倩BB拖「金毛男」返香閨

        最新一期《東周刊》揭前無線人氣新聞女主播陳嘉倩嘅戀情,影到佢同一位「金毛凸肚男」一齊返香閨,似乎脫離咗單身拍緊拖,但呢位男友原來有案底,曾因持刀禁錮前女友而被判入獄!

        「嘉倩BB」早前被傳媒發現喺放工後獲一名揸凌志房車嘅「金毛凸肚男」接送,男方又幫她拎手袋,搭住她膊頭行,表現親密,兩人一齊入咗粉嶺坪輋一間村屋過夜。

  《東周刊》昨天有料爆,發現呢位「金毛凸肚男」叫陳志遠(Stephen),喺一三年被一名女子入稟追討超過一百二十萬欠款,結果由陳志遠當時女友、前有線球彩台女主持陳思琦代佢還錢,兩人最後因此分手。不過,疑男方為情所困,竟喺幾個月後持刀恐嚇同禁錮陳思琦十二小時,仲話要同歸於盡!好彩最後佢被警察用胡椒噴霧制服,被判囚廿八個月。佢喺庭上求情時話,自己兩次為情自殺,又患輕度抑鬱症咁話喎。

  陳志遠雖然有案底,但就被爆係有錢人,且對娛樂圈中人情有獨鍾。除咗陳思琦,佢仲曾經同「無線新晉小花」朱婉禎拍過拖,O依家又追到「嘉倩BB」,真係豔福不淺!

Kelly Chu

hd