Executive日記——下月六日來港 二胡大師王國潼全國巡演慶80歲

        提起「二胡」,無人不識王國潼大師,佢開創劃時代演奏新風格,代表咗二胡一個時代同里程。下年係佢八十歲生日,佢將舉行全國巡演慶祝,喺下月六號就嚟到香港站,只演一場,想欣賞嘅朋友,千祈唔好錯過啦!

        王國潼係二胡一代宗師,屬於國家級專家,下年就大師八十華誕,為咗慶祝佢從事二胡藝術六十幾年嘅藝術生涯,佢將舉行全國巡演,名為《歲月迴響》巡演揭幕音樂會。

  其中佢會喺香港帶嚟一場演出,一月六日於文化中心舉行。到時佢將會首次以二胡、弦樂四重奏、鋼琴呢個組合演奏,仲有佢獨奏部份,而二胡王子王憓亦會帶領一眾音樂家,合作演出王國潼大師半個世紀以嚟創作嘅多首優秀二胡曲!Kelly必定撲飛入場,欣賞大師嘅風釆!

Kelly Chu

hd