Executive日記——籲市民小心流感 高永文笑言職業病

  前食衞局局長高永文離開官場後,做番醫生老本行,佢昨日出席扶輪社一個活動時,不忘呼籲大家注意流感高峰期嘅天氣變化,更笑言自己有職業病,雖然離開政府,仍然要提醒大家注意健康同安全,Kelly覺得佢好有心啊!

  昨日係扶輪社嘅「扶輪第四地域慈善行」,超過二百人參與慈善步行籌款。慈善行籌委會主席、半島旭日扶輪社社長謝鳳珍話,一個風雨嘅早上都有超過二百人參與,真係好難得!

  主禮嘉賓高永文醫生就大讚扶輪社人情味濃,時常愛心送暖,大力支持器官捐贈之餘,亦為有需要人士提供不同服務。佢不忘呼籲大家注意流感高峰天氣變化,應按個人體質多添衣服,更笑言自己有職業病,雖然唔做官,但仍要提醒大家注意健康同安全。

Kelly Chu

hd