Executive日記——威馬又摘工展小姐桂冠

  一連二十四日嘅工展會昨天閉幕,新一屆工展小姐隨即誕生,今年再次由過去勇奪超過十屆桂冠嘅威馬企業代表蟬聯,呢間公司可算係工展小姐嘅搖籃噃﹗Kelly覺得呢位威馬員工林小美(右三)樣子甜美,奪冠係實至名歸啦﹗

  第五十二屆工展會昨天閉幕,而「工展小姐選舉」亦有結果,冠軍由代表威馬企業嘅林小美奪得,威馬曾勇奪超過十次嘅工展小姐冠軍,今次再奪魁,威威威﹗亞軍就由恒偉國際貿易有限公司嘅葉倩欣奪得,季軍就係髮再生嘅曾嘉敏。

  小妹見好多市民冒雨入場掃平貨,唔少參展商亦推清貨優惠,場面熱鬧,今屆總銷售額近十億元,打破咗歷屆紀錄!

Kelly Chu


hd