Executive日記——深水埗重建項目 蛻變時裝基地

  深水埗布料市場,一直係時裝界嘅熱點,政府打算將深水埗發展成為「設計及時裝基地」,昨日商經局局長邱騰華公佈詳情,話希望基地有助培育新晉設計人才和時裝設計師,又可以成為區內以至全港設計及時裝焦點,同埋帶動深水埗區嘅旅遊發展啊!

  「設計及時裝基地」位於通州街一個市建局重建項目入面,樓高五層,實用面積約三千六百平方米,入面有設計展示中心、工作空間、設計圖書館、物料資料庫等,將委託香港設計中心負責營運,計劃喺幾年後落成。

  邱騰華話邀請旅發局加強宣傳深水埗區,而旅發局主席林建岳就話,好支持呢個計劃,又覺得可以提升深水埗嘅旅遊吸引力,旅發局會喺今年推出一個大型項目,加強推廣深水埗嘅地道特色。

Kelly Chu

hd