Executive日記——想食日本北陸地區美食? 一田有得賣!

          Kelly係「日本控」,尤其見到日本美食,一定情不自禁食晒佢。一田老友告之,日本北陸地區近年成為旅遊新熱點,當中石川縣、福井縣同富山縣盛產地道美食,所以一田就率先將佢哋嘅名物帶嚟香港,o依家喺觀塘嘅一田超市有售﹗

  名物之中包括有石川縣嘅「金澤金箔美人咖啡」,佢嘅和風包裝內附有兩包耳掛式金箔咖啡包,閃閃發光嘅金箔喺咖啡面上浮現,真係貴氣迫人。又有石川縣嘅鄉土名物「魷魚味噌燒」,魷魚中間鑲入咗自家製生薑甜味噌,互相配搭鮮味更突出。

  福井縣名物就係「玉子燒福井風味醬汁吉列豬扒丼」;富山縣就有「夢農場米拉麵」,係用富山米整㗎﹗想細嚐和風滋味,就要喺下周一前去觀塘嘅一田超市買啦!

Kelly Chu

hd