Executive日記——星島辯論fb專頁 交流心得教你必殺技

  學界一年一度的盛事「星島全港校際辯論比賽」如火如荼舉行,星島辯論嘅facebook專頁會定期上載比賽相片,以及最新消息、辯論相關小知識等,為大家提供一個交流學習同分享辯論心得嘅平台,同學仔、教師要密切留意啦!佢哋又會將五段辯論必殺技短片放上facebook,大家可以上去睇片,讚好個專頁同埋分享畀朋友啊!

  第三十三屆「星島全港校際辯論比賽」由去年十一月至今年五月盛大舉行,Kelly知道今年除咗《星島日報》教育版有比賽嘅連載報道外,星島辯論facebook專頁亦定期上載比賽相片,同埋提供辯論小知識、辯場名人報道、舉行互動遊戲等,參賽同學仔又點可以錯過!另外,瀏覽星島辯論網頁www.stheadline.com/debate,亦可緊貼比賽情況同最新消息!

  而星島辯論facebook早前舉行咗一個互動小遊戲,邀請大家分享辯論必殺技,大會將有關心得總結成「辯論必殺技」短片,仲會分五條短片上載到專頁,傳授辯論技巧畀同學,以啟發同加深佢哋對辯論嘅認識同作賽技巧。大家可以上去個專頁睇片,了解辯論十式啊﹗個專頁咁多豐富內容,大家快啲讚好同Share畀朋友仔啦!

Kelly Chu

hd