下個月就係農曆新年啦，Kelly爸媽開始搵緊得意嘅利是封，等小朋友開心𢭃利是，仲問小妹有無乜推介，周圍搵吓，由於下年係狗年，發現特別多以可愛狗仔嘅設計款式，其中有一款狗狗仲識「彈起」，連埋成個利是封企喺到，同大家拜年，一定好受歡迎！另外亦有用布整嘅精緻利是封，仲可以自訂款式，可以向親友表達自己嘅心思喎！
小妹係愛狗之人，見到啲狗仔利是封咁得意，好想入手，就好似其中一款利是，共有四款設計，印有唔同卡通狗仔食住冬甩、雪條等美食，個樣趣致到暈！
狗狗開心到彈起
亦有利是嘅設計，用上六種狗狗，當中包括西施、史納莎等等，利是封玩立體設計，每個利是封都可以直立，令到上面啲狗仔圖案變得活潑，好似急不及待彈起同企立，同大家拜個年，收到嘅人一定會好開心嘞﹗
另外，小妹發現淘寶上有啲用布整嘅利是封，十分獨特，而且可以度身訂造款式，包括姓氏名字、搞笑字句及公司Logo等等，仲有不同尺寸選擇！個利是封睇落好似係剪紙咁嘅效果，大大封又得，細細封又得，都好精美，收到咁靚嘅利是，真係唔捨得即時拆﹗
Kelly Chu
;){kind=link}
;){kind=link}
;){kind=link}
;){kind=link}
;){kind=link}
;){kind=link}