Executive日記——火炭工作室開放日 藝術家示範 有得試玩

  香港最大嘅藝術村「火炭藝術村」每年都會舉辦一次工作室開放日,等大家了解吓藝術家平時嘅工作。今年佢哋會喺本月兩個周末舉辦,到時會有畫家、雕塑家、陶藝家、書法家等人即席示範佢哋嘅工藝,大家仲可以試玩部份作品㗎!

  由二千年起愈嚟愈多嘅藝術工作者喺火炭設立自己嘅工場,令到火炭變成一個充滿活力嘅藝術社區﹗○七年開始,藝術村每年一月都會舉辦開放日,畀P大家參觀一吓。

  藝術村裏面有唔同藝術單位,包括紡織藝術、陶藝、雕塑、版畫、漫畫、攝影、裝置藝術、表演藝術等,十分多元化。今年開放日中,有三十幾間工作室參與,到時除咗可以一睹藝術家做創作嘅地方外,仲可以睇到佢哋嘅作品,同佢哋即場交流。

  部份藝術家仲會開設工作坊,即席示範。開放日喺本月二十、二十一、二十七同二十八號舉辦,Kelly約埋班好姐妹去參觀吓先得!

Kelly Chu

hd