Executive日記——雞蛋幻化藝術品 墨國大師煎出個「地球」

  藝術品唔一定要喺藝術館入面嘅大型裝置,或者高深莫測嘅。有無諗過一隻蛋,竟然可以百變成為藝術品呢?K11 Design Store近日就喺fb社交平台開心Share,介紹一個墨西哥藝術家,佢好創新,將一隻隻雞蛋喺烹調過程中變身成各款圖案,例如有地球、蜘蛛同蜘蛛網、食鬼遊戲等啊!

  呢一位墨西哥匿名藝術家嘅煎蛋作品百變,竟然可以塑造成小動物、城市建築、著名品牌logo等等。Kelly睇到佢個Instagram帳戶中,除咗有網球拍同網球、見到月亮而嚎叫嘅狼、五線譜同音符等,仲有個以煎蛋構成嘅地球圖案,當中以蛋白做海洋,而蛋黃係大陸版塊,十分之特別!另外,仲有似真度十足嘅蜘蛛同蜘蛛網、難度極高嘅自由女神像同梵高畫作《星空》O添啊!一隻雞蛋化成萬千藝術,小妹十分佩服!

Kelly Chu

hd