Executive日記——荔園推精美賀年禮盒 同大家拜年

  曾經係香港最大型嘅遊樂場「荔園遊樂場」,最近推出咗精美賀年禮盒,盒面印上多個「荔園」嘅標誌性圖案,打開禮盒仲會有荔園「孖寶」同城堡一同彈出,同大家拜年㗎。

  荔園嘅賀年禮盒中,共有三十件蝴蝶酥及曲奇,包括四款口味,分別係鬆脆可口嘅蝴蝶酥、口感豐富嘅橙皮曲奇、香濃美味嘅朱古力曲奇、經典口味嘅牛油曲奇,每款各具特色。個禮盒設計以紅、金色為主,祝願大家開心接福,盒面除咗有奪目嘅老虎仔標誌,仲特意印上多個具「荔園」標誌性嘅圖案,包括大象、城堡、雞髀等。一打開禮盒,可愛嘅荔園「孖寶」同埋城堡仲會一同彈出,同大家拜年O添!荔園「孖寶」亦可以取出,成為實用利是封㗎!

  由即日起至本月三十一號訂購荔園賀年禮盒,仲會有預購優惠,每盒只售二百一十五蚊,比原價便宜超過五十蚊㗎!

Kelly Chu

hd