Executive日記——彩釉瓷塑絲綢小型張 「金雞靈犬」郵票鑲金

  狗年將至,香港郵政將會喺今個月廿七號發行一套以「歲次戊戌(狗年)」為題嘅郵票及相關集郵品,其中「金雞靈犬」嘅郵票好矜貴,雞年郵票用銀箔燙印而成,狗年郵票仲嵌有22K鍍金金片㗎!

  呢套以狗年為主題嘅特別郵票同郵品,其中賀歲生肖郵票一套有四枚,通過多種以狗為題材嘅工藝品,即瓷器、玉器、陶器同貝殼工藝,帶出靈犬賀歲嘅主題。另推出絲綢郵票小型張,以靈犬彩釉瓷塑為主體,背景配以優雅脫俗嘅杏花彩釉瓷塑,祝願大家來年花開富貴、幸福美滿咁話!

  而第二輯「賀歲生肖金銀郵票系列」嘅第六款郵票小型張「十二生肖金銀郵票小型張——金雞靈犬」,雞年郵票以銀箔燙印而成,狗年郵票就嵌有22K鍍金金片,郵票小型張又附有黃金成色證明書,極具收藏價值㗎!

Kelly Chu

hd