Executive日記——二月十日多災多難 麥玲玲:巧合

  大埔前晚(二月十日)發生巴士翻車事故,Kelly睇到新聞都好傷心。有心水清嘅老友話,二月十日呢個日子喺之前曾經發生過兩宗嚴重事故,一件係去年同一日嘅港鐵縱火案,另一宗係九十年代八仙嶺山火。

  去年二月十日喺金鐘一列港鐵車發生縱火案,一名六十歲乘客向身體潑淋易燃液體,再點火自焚,身旁十八名乘客慘遭燒傷,佢最後不治。而喺一九九六年二月十日,四十多名馬鞍山馮堯敬中學生由五名老師帶領去八仙嶺行山,疑有人吸煙留下火種,一發不可收拾,三名學生同兩名老師死亡。小妹不少朋友都覺得二月十日呢個日子好離奇。小妹問過堪輿學家麥玲玲,佢話二月十日係西曆日子,佢評論唔到,只覺幾巧合咁話。

Kelly Chu

hd