Executive日記——樂園擴建新玩意 迪士尼新Marvel館 蟻俠、黃蜂女加盟

Marvel嘅粉絲有福啦!迪士尼昨日透露擴建園區計劃嘅細節,將會興建第二個Marvel 主題遊樂設施,致力打造一個超級英雄喺亞洲嘅作戰基地。Kelly收到風,新設施會以蟻俠、黃蜂女同神盾局為主題,令粉絲好期待!

        香港迪士尼喺日本D23博覽會為粉絲介紹擴建大計,期間展示最新Marvel 主題遊樂設施嘅效果圖片,入面除咗見到漫畫人物激鬥外,仲見到設施嘅模擬外型同入面嘅格局等,非常有形!計劃喺明日世界興建嘅第二個Marvel主題設施,以蟻俠、黃蜂女同神盾局等人物為題,到時各位粉絲要準備好同英雄人物一齊對抗反派Arnim Zola同佢嘅Hydra團隊啦!

  迪士尼話,園方由今年至二○二三年,幾乎每年都會都會推出全新項目,希望發展成為亞洲區內體驗Marvel 設施嘅必到之處咁話。另外,一套以迪士尼深受歡迎嘅動畫《魔海奇緣》同主角慕安娜為題嘅全新舞台表演「魔海奇緣凱旋慶典」亦將喺五月於「探險世界」同大家見面,粉絲們千祈唔好錯過啦!

Kelly Chu

hd