Executive日記——總商會會員挺身撐高鐵

  為咗了解商界人士對高鐵嘅睇法,香港總商會特意拍咗一條短片,訪問啲會員,等Kelly聽吓商界嘅聲音先!總商會總裁袁莎妮喺網誌分享呢條短片內容,話有會員認為高鐵令佢哋往返內地經商嘅靈活性更大,一日之內中港兩頭走都得,真係慳番好多時間喎。

  呢段由香港總商會錄製嘅短片「What does the Business Community Think ? 」(商界怎樣想?),長一分五十分秒,由總商會主席吳天海打頭陣,跟住有十位會員發表意見,有會員話高鐵啟用後令時間靈活性更大,以後可以邀請客戶北上內地,早上參觀廠房,跟住喺廣州食個晏,下午就可以搭高鐵返香港開會咁話,超方便!

  對於會員嘅意見,袁莎妮話完全認同,指商界人士經常受制於航班時間同航空管制,高鐵提供更多選擇交通之餘,仲惠及本港作為商業樞紐同進入內地市場嘅門戶角色O添!

Kelly Chu

hd