Executive日記——免市面冷清清 花車續巡行迎旅客

  為哀悼大埔車禍,政府取消年初二賀歲煙花,Kelly覺得恰當。至於喺初一舉行嘅新春花車巡遊,旅發局主席林建岳話,都同政府傾過,要兼顧旅客嘅需要,好多人一早訂晒票嚟香港體驗農曆年嘅氣氛,唔想花車巡遊都取消,否則過年市面冷清,旅客係唔清楚發生咗車禍,突然無咗想睇嘅活動,會好失望,業界亦好難解畫得清楚,而且乜活動都冇,會影響旅客嘅印象。但佢對車禍感到好遺憾同痛心。

  林建岳又話,每年部份花車完成巡遊後會送到林村,畀市民觀賞,今年都會繼續咁樣做,去林村許願嘅朋友仔,記得去欣賞吓啦!

Kelly Chu

hd