Executive日記——南生圍樹林展覽 認識訪港候鳥

  每年冬天,都會有一群候鳥到訪香港,包括黑臉琵鷺、蒼鷺、鸕鷀等,唔講唔知,佢哋原來鍾意去元朗南生圍覓食。住喺南生圍多年嘅手作人文駿業,為咗令市民更加了解呢啲候鳥,最近喺南生圍舉辦「南生圍桉樹林候鳥展覽」,裏面有六間鳥屋,桉樹林沿途亦有唔同候鳥嘅獨白,好有趣!

  阿業親手製作嘅鳥屋,只要拉開鳥屋嘅抽屜,就會見到入面有嗰隻候鳥嘅印章,大家可以喺地上拾起桉樹葉,將候鳥圖案印喺樹葉上,作為樹葉書籤,十分可愛!而桉樹林沿途亦有唔同候鳥嘅獨白,等大家了解候鳥嘅內心世界、生活習性等。

  阿業話,每年三月,候鳥都會逐漸離開香港,再次踏上遠征嘅路程,而呢個展覽亦會舉辦至本月十六號,佢話喺南生圍漫步,話唔定可以見到一大群小白鷺、反嘴鷸或琵嘴鴨正在覓食㗎!

Kelly Chu


hd