Executive日記——三月四月藝術活動多籮籮 太古廣場「變身」萬花筒

  三月藝術活動特別多,全城都好有藝術氣息。除咗香港藝術節外,太古地產亦舉辦「太古地產藝術月」,喺三月同四月都有多個世界頂級藝術節目,包括喺太古廣場及太古坊嘅藝術裝置、現場都市藝術及表演,其中一個藝術裝置令人覺得好似置身喺萬花筒入面咁㗎!

  今個月十九日至下月八日,喺金鐘太古廣場可以睇到蘇格蘭當代藝術家Jim Lambie嘅新作《Spiral Scratch》,呢個為太古廣場而設嘅藝術裝置,係由十五條塗上熒光顏色嘅梯子,同埋錯綜複雜嘅漩渦地面圖案構成。梯子由地面延伸到天花,梯間同時嵌入咗塊鏡,仲同地上嘅漩渦圖案構成咗色彩、形狀和空間嘅互動,Kelly覺得好似置身喺萬花筒入面咁,視覺體驗好特別!

  由今個月二十三日起,大家亦可以喺鰂魚涌港鐵站見到英國藝術家Remi Rough嘅幾何壁畫,等大家每日搭車返工返學時,感受無窮活力及新鮮感!太古地產仲會同「巴塞爾藝術展香港展會」第六度合作,喺今個月二十九日至三十一日舉辦一系列嘅講座、研討會,進行有關藝術、設計及建築嘅深入對話!

Kelly Chu


hd