Executive日記——穿梭工廈睇陶藝油畫 「火炭藝術工作室開放日」又嚟啦!

        三月香港文化氣息好濃厚,唔少藝術活動集中喺呢個月舉行,旅發局特地打造成「香港藝術月」,向旅客介紹本地藝術社區,包括「火炭藝術工作室開放日」、「南港島藝術日」等,各有特色!

        旅發局「香港藝術月」,除咗向旅客介紹城中嘅國際藝壇盛事,好似香港藝術節、巴塞爾藝術展等,仲推介幾個本地藝術社區,重點之一就係「火炭藝術工作室開放日」。

  好多本地藝術家進駐火炭工業區多年,建立咗一條藝術村,仲每年開放一次自己工作室,今年開放日喺一月舉行,當日大量市民到場參觀,幾乎爆場!為咗令更多市民可以參觀藝術村,佢哋喺本月三十一日再度開放二十多間隱身工廈中嘅工作室,等市民有機會同本地藝術家交流及欣賞其作品!而部份工作室更會舉辦藝術創作示範或工作坊,包括紙扇中國畫工作坊、陶瓷藝術工作坊及仿蕾絲油畫示範等,大家除咗可以睇示範,仲可以參與創作㗎!

Kelly Chu

hd