Executive日記——勇奪三銀一銅確係勁 80後港女自製世界級果醬!

        唔少港人鍾意選購外國品牌貨品,其實香港有人默默耕耘,產品質素超英趕美,好似一個八十後女生就自製手工果醬,建立自家品牌「Jam Story果醬二三事」,近日喺全球唯一嘅果醬比賽“The World’s Original Marmalade Award”中獲頒三個銀獎同一個銅獎,打贏全球不同品牌,十分厲害!佢非凡手藝,來自外婆留下嘅一盆柑桔。

        「果醬二三事」搜羅最時令水果,以全天然手工造果醬。創辦人Jacqueline同Kelly講,佢揀咗四款果醬參賽,最後獲得「有趣成份果醬」嘅兩銀一銅,包括以「熱情果香橙橙花果醬」同「熱情果香橙果醬」奪得銀獎,同以「柑桔菠蘿果醬」拎咗銅獎;佢又以「熱情果香橙果醬」獲頒「與肉類相配果醬」嘅銀獎。

  Jacqueline開始製果醬之路,原來係幾年前佢送咗一棵柑桔樹畀外婆後,外婆幾個月後過身,柑桔樹返回佢身邊,佢開始自學製作柑桔果醬,之後就出產品,變成咗一項事業。

Kelly Chu

hd