協青社每年都推出街舞劇，由一班街舞好手跳出正能量，為後生仔女打氣，佢哋今年就以「青少年精神健康」為主題，以街舞劇勸籲年輕人珍惜生命，停一停，諗一諗，切勿做傻事。困難總會過去，黑夜過後就係黎明。
協青社今年嘅街舞劇《一念之間》將於下月十四日演出，內容講述一個成績優秀嘅富家子弟同埋一個家境清貧、讀書唔叻嘅男仔，同樣萌生死念，最後被女主角鼓勵下重拾希望。Kelly知道，協青社由去年八月開始籌備，直至一月先定到個大框架，邀請到港大香港賽馬會防止自殺研究中心總監葉兆輝幫手構思，製作落足心機。
協青社執行委員會委員紀文鳳指，套劇嘅靈感係源於一件真人真事，有一晚一個少女去到協青社，但對咩都提唔起興趣，直至佢見到有人跳緊街舞，佢加入一齊跳咗一晚，臨走嘅時候話：「我本身想自殺，但依家我唔想死住喇。」後來更成為幸福人妻㖭！所以想透過套劇話畀大眾知，就算係「人生勝利組」都會有煩惱、生同死只差在一念之間，最緊要係有人肯聆聽，喺關鍵時刻幫佢哋走出困境。
門票開始發售，亦設慈善下午場供中小學生，或經社工轉介嘅年輕人入場，有興趣嘅學校可以鼓勵學生去感染吓正能量！
Kelly Chu
;){kind=link}
;){kind=link}
;){kind=link}
;){kind=link}
;){kind=link}
;){kind=link}