Executive日記——唐翔千追思會無錫舉行 唐英年難忘頒獎畀爸爸

  唐英年父親、愛國商人唐翔千喺上月十號離世,遺屬同江蘇省無錫市委統戰部一同為佢舉辦追思會,昨天喺無錫舉行,超過二百人出席。會上唐英年發言,提到同老父一件印象最深刻嘅事,就是喺○八年佢時任政務司司長,親身頒贈「傑出工業家獎」畀父親,講到呢度佢忍不住心頭一酸、一度哽咽!

  唐翔千嘅追思會昨天喺其家鄉江蘇無錫舉行,滿足其「四海返鄉」嘅心願,超過二百名親友前往送別,包括其妻子唐尤淑圻、長子唐英年夫婦、妹妹、兩名弟弟等人。而前國家領導人張德江、現任國家領導人汪洋、中聯辦、特派員公署及各國領事館亦先後向唐家發唁電,致以慰問。

  追思會上發言者,包括江蘇省及無錫市領導、基金會會長、大學書記及學生代表,唐英年最後一位代表親屬發表講話。唐英年話父親親切慈祥,係子孫們嘅楷模,感謝父親對自己嘅栽培。他憶述與老父一起嘅往事,最深刻係佢曾以政務司司長身份頒贈「傑出工業家獎」給父親,以表揚父親對工業和香港作出嘅重大貢獻。此情此景,永不可再,唐英年一度哽咽、說不下去,Kelly都覺得好心酸!儀式結束後,唐英年與其家人出發到青龍山,按照唐翔千嘅遺願,將佢嘅骨灰安葬,與爺爺唐君遠和家鄉日夕為伴。

Kelly Chu


hd