Executive日記——套餐加$7.5升級滋味 麥記「至尊安格斯」口感冇得輸

  牛魔王有口福喇!一直人氣高企嘅麥當勞 「安格斯」系列又再升級,今次仲大揼本,用足一百三十克嘅百分百安格斯牛肉,配埋秘製醬汁同芝士、番茄等配料,晉身成為「至尊安格斯」,套餐加七個半仲可以轉埋黑松露風味醬薯條同柚子特飲嘅大大啖組合添!真係滋味又抵食呀!

  今次麥當勞升級版經典滋味「至尊安格斯」,採用重足一百三十克、嫩滑多汁嘅百分百安格斯牛肉,濃香嘅牛肉香味撲鼻,夾埋秘製嘅濃郁至尊醬、兩塊軟滑白芝士;同番茄爽脆羅馬生菜、洋蔥同酸瓜等清新蔬菜,口感滿分,絕對無懈可擊呀!

  份量十足嘅漢堡,當然要襯番個重份量飲品小食先食得痛快!「安格斯」套餐仲可以選配全新大大啖組合,將黑松露風味醬同酸甜燒烤醬灑喺薯條上,再加埋成杯充滿柚子清甜香氣、雜果粒粒嘅大大杯柚子特飲,清新絕配,跟餐都只係加七個半咋,爽!

  Kelly收到風,麥當勞為令一眾牛魔王可以「麥麥歎,密密慳」,由今個月十七號至二十五號期間,會推出The Signature Collection「安格斯」系列超值套餐五蚊優惠添!咁抵,大家記得去試吓喇!

Kelly Chu

hd